Cade Cunningham pinakasa Detroit Pistons sa East, titulo

Pinakamasagwa ang record ng Detroit Pistons bago ang All-Star break dalawang season na ang nakakaraan.

Biglang nag-360 ang kapalaran ng Detroit ngayong 80th National Basketball Association 2025-26 regular season.

Dumayo sa All-Star Weekend sa Los Angeles ang Pistons na hawak ang best record sa liga – 40 wins kontra 13 losses.

Mas maganda pa ang baraha nila sa defending champion Oklahoma City Thunder (42-14).

Sa last 10 games bago ang break, 8-2 ang Detroit samantalang 5-5 ang OKC.

Pinakamalapit na kabuntot ng Pistons sa Eastern Conference ang Boston Celtics (35-19).

Huling nanalo ng playoff game ang Detroit noon pang 2008.

Sa umpisa ng home stretch ng regular season sa Biyernes (araw sa Manila), susubukan ng Pistons na kapitan ang momentum para manatili sa unahan.

“We’re just going to run our race,” giit ni Pistons All-Star guard Cade Cunningham. “We like where we’re at, and we’re going to continue to try to finish our season strong.”

Pistons, Thunder at San Antonio Spurs lang ang teams sa NBA na walang losing streaks ng higit sa dalawang laro.

Contender bigla ang Detroit hindi lang sa East kundi maging sa title, kasama ang Oklahoma City, Spurs, Celtics at Denver Nuggets.

Nakakabilib, dahil wala namang malalaking stars ang Pistons kina Cunningham, Duncan Robinson, Jalen Duren, Tobias Harris, Isaiah Stewart, reserve Caris LeVert.

Unang asignatura ng Detroit post-All-Stars ang Knicks. (Vladi Eduarte)

The post Cade Cunningham pinakasa Detroit Pistons sa East, titulo first appeared on Tonite - Abante.