Tallulah Proulx 52nd sa Winter Olympic Games giant slalom

Pumuwesto si Tallulah Proulx ng ‘Pinas sa ika-52 sa kabuuan sa women’s giant slalom event ng 25th Winter Olympic Games 2025 noong Linggo ng gabi sa Tofane Alpine Skiing Centre sa Belluno, Italy.

Nagposte siya ng pinagsamang oras na 2:41.62 sa dalawang takbo sa teknikal na kaganapan. Una siyang napadpad sa 59th place nang makapagta ng 1:17.15 sa unang takbo bago pinabuti ang kanyang pwesto sa pamamagitan ng 1:24.47 na pagsisikap sa second run upang umakyat ng pitong puwesto sa final ranking.

Ang kaganapan ay pinangunahan ni Federica Brignone ng Italy para sa gold medal sa 2:13.50 clocking. Si Sara Hector ng Sweden at si Thea Louise Stjernesund ng Norway pareho ang mga oras sa 2:14.12 upang magbahagi ng karangalan sa pilak na medalya.

Kasaysayan pa rin kay Proulx ang nagawa bilang unang Pinay na nakipagkumpetensya sa Winter Olympics, na nagmarka ng isang mahalagang yugto para sa bansa sa alpine skiing sa pandaigdigang entablado.

Ang kapwa Pilipinong skier na si Francis Ceccarelli pumosisyon sa ika-54 sa men’s giant slalom noong Sabado ng gabi.

Parehong nakatakdang lumahok pa sina Proulx at Ceccarelli sa mga slalom event sa pagpapatuloy ng kampanya ng Team Philippines sa event na kilala ring Milano Cortina 2026 Winter Olympics.

“Sa tingin ko may mga ilang pagkakamali ako pero may susunod na pagkakataon. Parang malabo ang course. Pero masaya pa rin kahit na may ilang mga kahirapan,” ani Proulx sa isang video na ibinahagi ni Philippine chef-de-mission Jezreel Apelar, secretary-general ng Philippine Ski and Snowboard Federation.

Ang Cortina, kung saan ginanap ang kompetisyon ng mga kababaihan, 350-km ang layo mula sa Bormio, na nagho-host ng aksiyon ng mga kalalakihan sa Stelvio Ski Center.

“Ikinalulugod namin si Tallulah na sa kanyang edad, tumindig siya laban sa pinakamahusay sa mundo. Ito ay isang proseso ng pagkatuto at lalo pa siyang gagaling sa paglipas ng panahon,” sey ni Abraham Tolentino, pangulo ng Philippine Olympic Committee. (Abante Tonite Sports)

The post Tallulah Proulx 52nd sa Winter Olympic Games giant slalom first appeared on Tonite - Abante.