Mahiwagang ampao ni Michelle Dee umantad na

Nagpakita na rin sa wakas ang hinahanap na mahiwagang ampao ng mga uzi (usyusero’t usyusera) sa kontrobersiya na sangkot ang magkaibigang Rhian Ramos at Michelle Dee.

Ang mahiwagang ampao ang naging ugat ng kaguluhan sa pagitan ng magkaibigang celebrities at dating driver ni Rhian.

Lumantad ang mahiwagang ampao nang muling magsampa ng reklamong qualified theft si Michelle laban sa dating driver ni Rhian sa Makati City Prosecutor’s Office.

Ipinost ng isang netizen ang larawan ng mahiwagang ampao sa X (dating Twitter).

Ibinahagi raw ng kampo nina Michelle at Rhian ang larawan ng isang angpao na umano’y kinuha ni Alyas Totoy bilang ebidensya sa isinampang reklamo sa kanya.

Kung ano-ano na ang kumalat tungkol sa nawawalang larawan na nakalagay sa mahiwagang ampao.

Ang sabi ng iba, sobrang sensitibo umano ang makikita sa larawang kinuha diumano ni Alyas Totoy.

But of course, pawang espekulasyon lamang ang lahat. Wait na lang muna at abangers sa mga susunod na pangyayari sa sinusubaybayan na first showbiz scandal of the year.

Sure!

The post Mahiwagang ampao ni Michelle Dee umantad na first appeared on Tonite - Abante.