Mala-kabuteng mga marathon

Nag-anunsyo ang running organizers ng kanilang mga full-marathon (o marathon) sa kapuluan ng bansa nitong mga nakaraang araw.

Sa na-compile na ng inyong lingkod (Turning Point), nasa 18 ang 42.195-kilometer footrace sa Luzon-Visayas-Mindanao mula noong January 11-December 13, 2026.

Ito po ang mga sumunod:

Cebu City Marathon noong Jan. 11, sabay-sabay na 7-Eleven Run Manila, Cebu, at Davao sa February 1, Subic International Marathon sa Feb. 7 sa Olongapo, The Bull Runner Dream Marathon sa Filinvest, Alabang, Muntinlupa at Dahican Marathon sa Davao Oriental na sabay sa Feb. 14, Ayala Philippine Marathon (1st leg) sa Feb. 22 sa Makati, Vinta Marathon (Dia De Zamboanga) sa Zamboanga City sa April 11;

Singlife Iloilo City Marathon sa Apr. 12, Bukidnon Int’l. Marathon sa Malaybalay sa Apr. 19, Legazpi City Marathon sa Albay sa Apr. 26, Philippine Airlines Manila Marathon sa May 31, Galaxy Manila Marathon sa June 7, Singlife Cebu City Intl. Marathon sa July 12;

Singlife Davao City Marathon sa August 15, One Clark Int. Marathon sa Angeles, Pampanga sa September 20, Rock ‘n’ Roll Manila sa November 29, National Milo Marathon Finals sa Clark, Angeles sa December 6, at Singlife Cagayan De Oro Marathon sa Dec. 13

Sa halip siguro na i-display ni Department of Tourism Secretary Christina Frasco ang kanyang mukha sa mga DOT billboard, asistehan na lang niya ang mga nagsulputang parang parang kabute na marathon para sa maayos na schedule at baka madagdagan pa ang mga turistang darayo sa ‘Pinas.

Yown!

The post Mala-kabuteng mga marathon first appeared on Tonite - Abante.