Jaylen Brown lumagari sa Boston Celtics, Milwaukee Bucks binaon

Nangulit ng 30 points, 13 rebounds si Jaylen Brown, umiskor ng 27 si Anfernee Simons off the bench, at pinulbos ng Boston Celtics ang Milwaukee Bucks 107-79 sa 80th NBA regular season nitong Linggo sa TD Garden.

Nag-ambag pa si Derrick White ng 17 points, 7 rebounds, 8 assists, may 14 markers at 8 boards si Neemias Queta sa Boston (31-18).

Tanging ang 25 points ni Ryan Rollins ang pumalag sa Milwaukee (18-29). May 16 si Kyle Kuzma.

Umiikot ang bulungan na ite-trade ang star nilang si Giannis Antetokounmpo na sidelined ng right calf strain at hindi pa sigurado ang balik, inumpisahan ng Bucks ang laro sa perpektong 5 of 5 shooting tungo sa 12-0 lead pero madaling naubusan.

Nasa unahan na ang Celtics 56-42 sa halftime.

Nilista ni Brown ang 10 sa first 12 points ng C’s sa second half para ilayo 68-47.

Namaga pa ang lamang sa 27 sa 3-pointer ni Brown sa kalagitnaan ng third quarter, hudyat na ‘yun para iupo ni coch Joe Mazzulla ang kanyang starters.

Ang laro ang kauna-unahang NBA Pioneers Classic, nagbigay-pugay sa first Black players ng liga na sila Chuck Cooper, Earl Lloyd at Nathaniel ‘Sweetwater’ Clifton.

Gumamit ng commemorative jersey patches at warmup shirts ang magkabilang team. (Vladi Eduarte)

The post Jaylen Brown lumagari sa Boston Celtics, Milwaukee Bucks binaon first appeared on Tonite - Abante.