Micah Shin kapit-tuko sa tuktok ng The Country Club Invitational

STA. Rosa, Laguna – Muling pinatunayan ni Micah Shin kung bakit walang katumbas ang pasensya at katatagan sa 21st ICTSI The Country Club Invitational sa TCC nitong Huwebes dito.

Sa isang kurso na pinananatiling nasa perpektong kondisyon buong taon – ang maayos na fairways, matigas na approaches, at makinis, tumpak na greens na tinatapat sa internasyonal na pamantayan – muling nagpakita ang United States golfer ng mahinahon pero makapangyarihang pagganap, nilabanan ang hamon sa kalagitnaan ng round upang makuha ang kontrol patungo sa huling araw ng P6.5 milyong kampeonato ngayong Biyernes na nagpaparangal sa tagapagtatag ng ICTSI na si Don Pocholo Razon.

Nakakatakot na pag-uulit ang kanyang nakakaganyak na pagtakbo sa likuran, muling binago ni Shin ang takbo ng laro sa moving day. Tapos makitang naglaho ang dating malaking kalamangan sa gitna ng sunod-sunod na paghabol sa halos perpektong kondisyon ng palaruan, nag-birdie siya sa apat sa unang anim na butas sa likod na siyam, muling nagpakita ng dominasyon at pinalawig ang kalamangan niya sa apat na stroke sa kabila ng tuluy-tuloy na 72 para sa kabuuang 214.

Pero nagparamdam ang nangungunang pambato ng ‘Pinas si 2016 Rio De Janeiro Olympian Miguel Luis Tabuena, ang bagong humihinga sa batok ng Korean-American sa sinalpak na 73 pa-218 sa kaganapang pinatatakbo ng Pilipinas Golf Tournaments, Inc.

Nananatili pa rin namang mga palaban sa titulo ang nasa tersera, may 220 na si Clyde Mondilla tapos ng 75.

Gayundin sina Carl Corpuz (74) at Guido Van Der Valk ng Netherlands (76) na may tig-221 at mga bumubuo sa top 5 ng 72-hole, 4-day golfest na magkakaloob sa kampeon ng P2.2M. (Abante Tonite Sports)

The post Micah Shin kapit-tuko sa tuktok ng The Country Club Invitational first appeared on Tonite - Abante.